ພາກລັດ-ເອກະຊົນ 4 ແຂວງ ຮ່ວມຝຶກອົບຮົມການນຳໃຊ້ແບບຟອມເອກະສານຂົນສົ່ງ LITFA ໃນລະບົບ CBTMທີ່ຫ້ອງປະຊຸມພະແນກໂຍທາ ທິການ ແລະຂົນສົ່ງ(ຍທຂ)ແຂວງ ສະຫວັນນະເຂດ ໄດ້ຈັດກອງປະ ຊຸມເຜີຍແຜ່ ແລະຝຶກອົບຮົມການ ນຳໃຊ້ແບບຟອມເອກະສານຂົນ ສົ່ງຂອງສະມາຄົມຜູ້ຈັດສົ່ງສິນ ຄ້າຂອງລາວ (LITFA) ໃນລະ ບົບ CBTM ຂຶ້ນໃນວັນທີ 2 ພະຈິກ ນີ້, ພາຍໃຕ້ການເປັນປະທານ ຂອງທ່ານ ພັນທະພາບ ພູນສະ ຫວັດ ຮອງຫົວໜ້າກົມຂົນສົ່ງ, ກະ ຊວງ ຍທຂ ແລະທ່ານ ຄຳຜອງ ສົມວິຈິດ ຫົວໜ້າພະແນກ ຍທຂ ແຂວງສະຫວັນນະເຂດ, ມີສະຖາບັນໂຍທາທິການ ແລະ ຂົນສົ່ງ, ກົມພາສີ, ພະແນກ ຍທຂ ແຂວງ, ພາສີແຂວງ, ປສກ ແຂວງ ຈາກ ແຂວງບໍລິຄຳໄຊ, ຄຳມ່ວນ, ສະຫວັນນະເຂດ ແລະ ຈຳປາສັກ ພ້ອມທັງຄະນະນຳ ແລະ ສະມາຊິກ LITFA ແລະ ພາກທຸລະກິດທີ່ກ່ຽວ ຂ້ອງໃນ 4 ແຂວງດັ່ງກ່າວ ເຂົ້າ ຮ່ວມ.ທ່ານ ພັນທະພາບ ພູນສະຫວັດ ໄດ້ກ່າວໃຫ້ຮູ້ວ່າ: ໃນໄລຍະ ຜ່ານມາ, ກະຊວງ ຍທຂ ແລະ ກະຊວງການເງິນ ໄດ້ເຫັນດີມອບໃຫ້ ສະມາຄົມຜູ້ຂົນສົ່ງ ແລະ ຈັດສົ່ງ ສິນຄ້າລະຫວ່າງປະເທດຂອງ ສປປ ລາວ ເປັນຜູ້ພັດທະນາລະ ບົບຄຸ້ມຄອງເອກະສານຂົນສົ່ງ ເຊິ່ງລະບົບດັ່ງກ່າວເອີ້ນວ່າ Cross Border Transport Management (CBTM) ໂດຍການເຊັນບົດບັນ ທຶກຄວາມເຂົ້າໃຈ 3 ຝ່າຍຄື: ກົມຂົນສົ່ງ-ກົມພາສີ-ສະມາຄົມ LITFA ແລະ ໄດ້ທົດລອງນໍາໃຊ້ ບັນດາແບບຟອມເອເລັກໂຕຣນິກ ຢູ່ໃນ ລະບົບ CBTM ຂອງ LITFA ໃນການຄວບຄຸ້ມ ແລະ ຄຸ້ມຄອງຂໍ້ມູນການຂົນສົ່ງ ຢູ່ສາມດ່ານສາກົນຫຼັກຂອງ ປະເທດຄື: ດ່ານສາກົນບໍ່ເຕັນ, ດ່ານສາກົນສິນຄ້າທ່າບົກທ່ານາແລ້ງ, ດ່ານສາກົນສະໜາມ ບິນວັດໄຕ ໂດຍສາມາດ ເຊື່ອມໂຍງຂໍ້ມູນລະບົບໃບຂົນສົ່ງລວມ Cargo MANIFEST ກັບ ລະບົບແຈ້ງພາສີໂດຍສັງເຂບຢ່າງ ປະສົບຜົນສຳເລັດ ແລະ ມີຜູ້ປະກອບການໄດ້ລົງທະບຽນນຳໃຊ້ ທັງໝົດ ຈຳນວນ 648 ຄົນ ສາມາດແຈ້ງພາສີໂດຍສັງເຂບຈຳ ນວນ 70.483 ຊຸດເອກະສານ ແຈ້ງພາສີນັບຕັ້ງແຕ່ມື້ເປີດທົດລອງນໍາໃຊ້ແຕ່ວັນທີ 4 ທັນວາ 2021.ສະຫຼຸບແລ້ວ ຜົນປະໂຫຍດ ຈາກການນຳໃຊ້ແບບຟອມເອກະສານດັ່ງກ່າວ ແມ່ນແນໃສ່ ຊ່ວຍໃຫ້ການຄຸ້ມຄອງລັດມີປະສິດທິຜົນດີຂຶ້ນ, ການນຳໃຊ້ຂໍ້ມູນສະຖິຕິຕ່າງໆ ຜ່ານລະບົບເອກະສານຂົນສົ່ງໃນລະບົບອີເລັກໂຕຣນິກ CBTM ຈະຊ່ວຍໃຫ້ບັນດາຂະບວນການຂົນສົ່ງສິນຄ້າຜ່ານດ່ານຊາຍ ແດນກໍ່ຄືລະຫວ່າງຕົ້ນທາງ ແລະ ປາຍທາງມີຄວາມຄົບຖ້ວນ, ຖືກຕ້ອງ, ໂປ່ງໃສ ແລະ ທັນເວລາ ຊ່ວຍໃຫ້ບັນດາຂະແໜງການກ່ຽວຂ້ອງພາກລັດ ສາມາດນຳໃຊ້ເປັນພື້ນ ຖານເຂົ້າໃນການຄຸ້ມຄອງການຂົນສົ່ງພາຍໃນ ແລະ ລະຫວ່າງປະເທດ ແລະ ສາມາດຈັດເກັບລາຍຮັບ ເຂົ້າງົບປະມານ. ບົນພື້ນຖານຜົນສຳເລັດດັ່ງກ່າວ, ທ່ານລັດຖະມົນ ຕີກະຊວງ ຍທຂ ຈິ່ງໄດ້ຕົກລົງອະນຸມັດໃຫ້ຈັດກອງປະຊຸມເຜີຍແຜ່ ແລະ ນຳໃຊ້ແບບຟອມເອກະສານຂົນສົ່ງຂອງລະບົບ CBTM ຂອງ LITFA ໃນວົງກວ້າງຢູ່ 4 ແຂວງຄື: ແຂວງບໍລິຄຳໄຊ, ແຂວງຄຳມ່ວນ, ແຂວງສະຫວັນນະເຂດ ແລະ ແຂວງຈຳປາສັກ.ໂອກາດນີ້, ທ່ານ ສາຄອນ ພິລາງາມ ປະທານສະມາຄົມ LITFA ກໍ່ໄດ້ຂຶ້ນເຜີຍແຜ່ທິດທາງ ການຄຸ້ມຄອງ ແລະ ລະບຽບຫຼັກການຂອງ LITFA ແລະ ທິດທາງ ການຜັນຂະຫຍາຍລະບົບ CBTM ໃນການເຊື່ອມຕໍ່ກັບລະບົບອື່ນໆ ຈາກນັ້ນ, ຜູ້ເຂົ້າຮ່ວມຈະໄດ້ຮັບຟັງການເຜີຍແຜ່ເອກະສານທີ່ຕິດ ພັນກັບການນຳໃຊ້ລະບົບ CBTM ແລະໄດ້ມີການຝຶກອົບຮົມກ່ຽວກັບການນຳໃຊ້ລະບົບ CBTM ນອກນີ້, ໃນກອງປະຊຸມ ຍັງຈະໄດ້ມີການຖາມ - ຕອບຂໍ້ຂ້ອງໃຈກ່ຽວກັບວຽກງານດັ່ງກ່າວ ແລະ ການສະເໜີປະກອບຄຳຄິດຄຳເຫັນ ຈາກແຕ່ລະພາກສ່ວນທີ່ເຂົ້າຮ່ວມ ນຳອີກ.ກອງປະຊຸມແມ່ນຈັດຂຶ້ນເປັນເວລາ 2 ວັນ ເລີ່ມແຕ່ວັນທີ 2-3 ພະຈິກ 2022 ໂດຍໃນວັນທຳອິດ ຜູ້ເຂົ້າຮ່ວມແມ່ນພາກສ່ວນທີ່ກ່ຽວ ຂ້ອງຂອງພາກລັດ; ສ່ວນວັນທີ ສອງ ແມ່ນພາກເອກະຊົນກໍ່ຄືບໍລິສັດຕ່າງໆທີ່ເຮັດທຸລະກິດ ກ່ຽວກັບ ການຂົນສົ່ງສິນຄ້າຂ້າມແດນ ແລະ ຜ່ານແດນໃນ 4 ແຂວງດັ່ງກ່າວ.
ອ່ານເພີ່ມເຕີມ...
ທີ່ຫ້ອງປະຊຸມດ່ານພາສີສາກົນບໍ່ເຕັນ ແຂວງ ຫຼວງນໍ້າທາ ໄດ້ຈັດກອງປະ ຊຸມເຜີຍແຜ່ ແລະ ຝຶກອົບຮົມການ ນຳໃຊ້ແບບຟອມເອກະສານຂົນ ສົ່ງຂອງສະມາຄົມຜູ້ຈັດສົ່ງສິນຄ້າຂອງລາວ (LITFA) ໃນລະບົບ CBTM ຂຶ້ນໃນວັນທີ 9 ທັນວາ 2022 ນີ້.
ອ່ານເພີ່ມເຕີມ...
ທີ່ດ່ານພາສີສາກົນ ທ່າບົກທ່ານາແລ້ງ ໄດ້ຈັດຂຶ້ນ 2 ຄັ້ງ: ຄັ້ງທີ 01 ວັນທີ 22-23 ພະຈິກ 2021 ເຊິ່ງຄັ້ງນີ້ມີຜູ້ເຂົ້າຮ່ວມທັງໝົດ 37 ທ່ານ, ຄັ້ງທີ 02 ວັນທີ່ 17 ກັນຍາ 2022 ມີຜູ້ເຂົ້າຮ່ວມທັງໝົດ 85 ທ່ານ; ການຝຶກອົບຮົມທັງສອງຄັ້ງນີ້ແນ່ໃສ່ການນຳໃຊ້ຕົວຈິງໃຫ້ກັບ ຜູ້ປະກອບການຂົນສົ່ງນຳເຂົ້າ - ສົ່ງອອກ ແລະ ຜ່ານແດນສາກົນ ເພື່ອໃຫ້ເຂົ້າໃຈພື້ນຖານການນຳໃຊ້ລະບົບເບື້ອງຕົ້ນ.
ອ່ານເພີ່ມເຕີມ...
ການຈັດກອງປະຊຸມກ່ຽວກັບຮ່າງຄຳແນະນຳວ່າດ້ວຍການນຳໃຊ້ລະບົບຄຸ້ມຄອງຕູ້ສິນຄ້າ ແລະ ເອກະສານຂົນສົ່ງສິນຄ້າ ດ້ວຍລະບົບອີເລັກໂທນິກ CBTM ທີ່ກົມຂົນສົ່ງ, ຄັ້ງວັນທີ 22 ກັນຍາ 2022
ອ່ານເພີ່ມເຕີມ...
